’ملک بھر میں تمام مارکیٹیں ساڑھے آٹھ بجے، شادی ہالز 10 بجے بند ہوں گے‘

اسلام آباد کے سپیشل جج سائبر کرائم کی عدالت نے پاکستان تحریکِ انصاف کے سینیٹر اعظم سواتی کی رہائی کا حکم جاری کر دیا ہے۔

عدالتی روبکار میں کہا گیا ہے کہ ان کی ضمانت منظور ہو چکی ہے چنانچہ اگر وہ کسی اور جرم میں مطلوب نہیں ہیں تو اُنھیں رہا کر دیا جائے۔

دوسری طرف اسلام آباد ہائی کورٹ نے منتازع ٹویٹس کیس میں گرفتار پاکستان تحریک انصاف کے رہنماء سینیٹر اعظم سواتی کی درخواست ضمانت منظور کرنے کا تحریری فیصلہ جاری کر دیا ہے۔

چیف جسٹس عامر فاروق کی عدالت سے جاری آٹھ صفحات پر مشتمل تحریری فیصلے میں عدالت کا کہنا ہے کہ اگر اعظم سواتی جرم کو دہرائیں تو فریقین ضمانت کی منسوخی کی درخواست دائر کر سکتے ہیں۔

عدالت نے کہا کہ اس کیس میں چالان جمع ہو چکا ہے اور تفتیش مکمل ہے، چنانچہ اعظم سواتی کو حراست میں رکھنے کا کوئی جواز نہیں۔

عدالتی حکم میں کہا گیا کہ ایف آئی اے نے کیس بناتے ہوئے اپنے ہی بنائے ایس او پیز پر عمل نہیں کیا۔